上次整左曲奇....今次又轉下口味.....整呢個蛋糕....
我其實好少整牛油蛋糕嫁....因為我成日覺得太多牛油了....
但係今日又想試下整....所以就決定整一次啦....
呢一個食譜已經好多人知道....亦好多人做過....
我覺得我整得無人地咁靚呀...>_<
下次試下朱古力既比例減少少...7:3咁啦....應該個花紋會更加靚....
下次又再改變一下落麵漿既方法....希望會更加有清楚花紋啦~^_^
呢一個食譜....男仔一定鐘意....因為係重口味....
老公豬...一食完就話正呀....我跟手就打擊佢 : 好多牛油先咁好食嫁咋^0^
你食得多會好肥嫁~~老公豬話唔緊要啦....咁好食~*

個雲石花紋都唔靚....嗚嗚....不過真係好食...嘻嘻~*

下面係未切開既樣.....個面頭係有花紋嫁~*

(閱讀全文)

呢一日係我小夢預備左好耐既整蛋糕日子~~~嘻~點解要預備呀?
因為.....今日要整兩個cake....都不容有失嫁~^_^~
第一個....就係即日晚上既兩位好姊妹生日蛋糕....
第二個就係後日父親節蛋糕.....我打算兩個一齊做.....
其實前一個week我已經試整左一次嫁啦....有d地方要注意改善返....
好彩....結果都令人非常滿意喔....所有食既人都讚不絕口....哈哈~yeah~*
點解我選呢個cake....因為第一....我有個好姊妹係食素既....
我知道魚膠粉唔係素食....雖然佢一定會話唔介意既...
但係都好應該就返佢嫁....好在佢唔會唔食蛋.....如果唔係仲頭痛...哈哈~
爸爸佢又鐘意食藍莓....所以選呢個cake無錯嫁啦~~
因為今次要整兩個....所以我都落足本....買左一罐好貴既藍莓果餡....
因為我知道一定好食....所以都唔計較得咁多啦.....
果餡係成個cake既靈魂....如果買d普通果jam....一定做唔到街果d味道....
所以今次....個味道係100%似足Delifrance或者pie & tart.....真係無呃你嫁....呵呵~*

下面係兩位好姊妹既生日蛋糕.....因為拎左出來幾粒鐘先食....
所以果餡已經有少少移左位了....呢一幅相係我去到先影相的.....
因為上次做左個7吋既食唔哂.....所以今次做6吋....岩岩好食哂唔洗拎走~*

下面呢一個....係我無拎出去留係屋企既父親節蛋糕.....
隔左一日仍然係超好味....呢個cake既最後一件....我係四日後先食...
估唔到係完全無變質....好似第一日整咁....我真係好叻叻喔~*

切開比大家睇下先.....真係無花無假....個look都已經好好味啦.....
真係睇見都流口水

(閱讀全文)

小夢媽都好欣賞我做既cake嫁....到左母親節呢個大日子....
梗係露返兩手啦....咁我就問我媽咪....你想食咩野味道既蛋糕呀?
媽就話 : 芒果好嗎?....因為士多啤梨好貴呀~!!!
oh~~我媽係一個好慳家既人....連諗蛋糕既味道都係諗邊樣平d
咁好啦....就芒果蛋糕啦....
買齊材料之後.....就開工啦....
到左做餅面既生果時.....
我係事前都諗左好耐.....究竟個cake面點設計好呢...簡約d....定豐富d好呢....
我整左個芒果花之後....本來想加少少士多啤梨就停....
又諗起唔想切蛋糕時....有d會無生果分唔勻.....
母親節嘛.....梗係要豐富d好啦....
所以就放到成個餅都放滿哂生果....好開心~~
媽咪好鐘意個cake呀....真係好啦~*

芒果花一take過嫁....無浪費每一件生果....真係要讚下自己....呵呵~*

妹話蛋糕要朱古力味....咁就聽佢話啦....所以夾層係朱古力味雪芳蛋糕~*

(閱讀全文)

早係月頭既時候....我就做左一個蛋糕送比老公仔既婆婆做生日禮物....
呢個蛋糕我以經係之前既post做過一次....(想要食譜請看之前既post)
今次係正式....所以特別緊張....
而且....今次係....成圍台....16人食既蛋糕.....真係好好好緊張嫁....
我係做個cake既時候....諗左好多野....一路諗一路驚= =""
下面係我自己亂諗野既可能性 :
1) 可能材料唔新鮮....食壞左足足16個人....
2) 拎既中途....或者做既中途....跌爛左....結果生日無蛋糕食....(唯有即刻買過個)
3) 做既中途失敗左....結果趕唔切再做過一個....
4) 佢地唔鐘意食....但係又唔敢講出黎....~*

結果.....係好好好好好大既壓力之下.....終於做左下面既完成品....(一額汗 )~*

見唔見呀大家? 個生日糖牌斷左嫁....係老公豬拎野返屋企時唔小心跌爛左....唉
但係又唔想浪費左wor....咁咪想盡辦法....用d溶左既朱古力鋪起個底補返lor....
諗住已經萬無一失....點知第2早....見到朱古力滲左少少係條裂痕度....= =
結果就好鬼肉酸.....唉.....美中不足....好唔開心~*  (可可係一個完美主義者-,-)

比大家睇少少個靚靚蛋糕既半製成品照片先啦~*

今次我用既係貴價韓國士多啤梨....粒粒都水滴形狀....好完美既cake面唷~*

(閱讀全文)

(閱讀全文)

上個星期....係我同老公仔既拍拖3週年啦....真係好開心....
終於都可以正正式式咁同人講....我地拍左拖 "幾" 年啦....無三不成幾呀嘛~^^
今日為左慶祝....專登做左一個好哂心機....比較複雜既蛋糕啦.....
平日我係一定唔會做既....因為成日覺得好哂時間....而且又唔係為左慶祝d咩野...
所以都無整咁多花臣lor~*

今次呢一個蛋糕....我改佢個名...叫做幸福sweet草莓mousse朱古力蛋糕~*
粉紅色既cake....比人感覺好sweet呀.....食落仲好香草莓味....認真掂呀....
今日由焗雪芳蛋糕開始....至到放入雪櫃果一刻.....
足足搞左成3個幾4個鐘....真係累><~*

今次個cake足足用左一盒士多啤梨...成本都唔低嫁...
好在近來d士多啤梨好平....我見街市....有d好靚既....都係15蚊一盒....媽近來成日買~*

切開左....仲靚呀....今次我做左3層雪芳蛋糕....每層中間都夾住士多啤梨肉~*

(閱讀全文)

今次既作品....朱古力雪芳蛋糕
就係用左上一次介紹比大家既綠茶雪芳蛋糕既食譜改良而成~*

睇下係唔係好正呢.....我只係將食譜裡面既綠茶粉改左做可可粉....
原來做完出黎....一樣咁好食....可以用黎做情人節蛋糕既蛋糕層啦~
今次影多d相比大家睇....因為我實在太鐘意呢個食譜啦.....重新貼食譜先~*

(閱讀全文)

之前我因為要趕住post哂賀年糕糕食譜同各位blog友分享.....
所以現在才post返之前既作品出黎....希望大家鐘意啦~*
今次做既係小茶點....叫做Madeleines...中文叫做瑪德蓮 ....
佢係一款法式小茶點....特式係貝殼形狀既....
本身係原味....我就做左一款朱古力味既....因為老公仔好鐘意嫁~*
呢一款蛋糕....都幾易做....幾岩情人節做禮物....
所以我都揀依家post出黎....等大家唔洗為左諗黎緊既情人節禮物諗得咁辛苦~

情人節精選              

朱古力貝殼小蛋糕

食譜:

(閱讀全文)

因為我無雪芳蛋糕模....所以用左7吋半既蛋糕模代替....
當我焗完之後...倒扣都幾麻煩...因為...佢大約1-2分鐘就自動掉了下來....
跟本唔可以倒扣至涼....不過~~好彩....個蛋糕唔倒扣都無太大影響...真係開心~*

呢個食譜.....特別在於某幾款材料....我要專程去買既...
Rum酒啦....蜜糖啦....呢兩款材料都幾少用嫁....
不過做完出黎就真係唔同平時果d食譜....特別香....特別鬆軟嫁~*

綠茶雪芳蛋糕 Green Tea Chiffon Cake 食譜 :

(閱讀全文)

呢一日...我係完全無頭緒...呆左好耐...完全唔知做咩野食好的一天...
但又想做早餐比老公仔...
所以就一大早就在茫茫blog海中...搜尋一個我有興趣既食譜啦~*

終於在何家私房菜度...搵到紙包蛋糕食譜wor...
雖然呢一款食物係好普通....
但係普通得黎...又係個個做小朋友細細個時都會食既野...
仲記得以前麻麻買紙包蛋糕比我返學係小息食果段時間....
已經唔會再有咁既情境啦......好懷念呀~
睹物思人....往往就係呢一個時候觸動我心...
等我就帶住過去既回憶及思念....將紙包蛋糕介紹比大家~!!!

步驟1) 首先將牛油紙放入杯中...摺好形狀

(閱讀全文)

今日我諗左好耐好耐....終於都選中左蔡師奶既日式綿花蛋糕食譜...
我想做一個食落唔會好乾...而且又會好香既蛋糕....
最緊要...就係少d油嘛....老公豬佢近來似乎肥左....因為食得多我既愛心食物既關係~
終於都比我搵到個岩心水既食譜啦....真係要多謝蔡師奶...
大家睇下....係唔係好正咁呢...我將佢分開左一條條....等大家食既時候方便易入口~*
個cake我仲託老公拎左比佢阿姨食...佢都話好食....仲打電話黎問呀~

(閱讀全文)

還記得除夕夜...約左一班朋友燒野食bbq...
咁我當然又係時間發揮一下我努力既成果啦...
今日決定做兩款....第一款係鮮藍莓muffins....
第二款係朱古力奇普...
先為大家介紹一下好好味既鮮藍莓muffins啦~*

呢個食譜我係跟獨角仙既食譜....
不過因為屋企無乳酪既關係....所以偷左雞....改左用鮮奶...
懶得出街買乳酪....
出黎既效果又ok wor...好鬆軟....好特別既效果....
佢呢個食譜係就係複雜左少少....所需材料好多....
但係真係比起其他既食譜....食落既質感係唔同d...
會比較鬆軟同埋無咁乾硬~~*

我之前已經跟佢既食譜做過一次朱古力muffins...真係好好食...
當時因為相機借左比人所以無影低比大家睇....
今次終於都可以介紹比大家~~*

今次用既係新鮮藍莓...食落會有果肉既味道口感....
一粒粒藍莓...出面買既好難會有鮮果肉嫁....
唔會有任何人造香料...完全純鮮藍莓...味道真係好突出....
每一啖都係享受....真係好食過街買果d多多聲...
不過....當然最好食都係出爐果一刻即食....
超級完美既鬆軟味道...不過涷左都仍然好食...唔會乾硬~~*

(閱讀全文)

話說在平安夜果日...我想做一樣甜絲絲既食物比老公仔....
所以就整左朱古力林明頓....
真係唔錯呀...好好味...我雪住佢地....食左3日都依然好好食....
不過又係果句啦....海綿蛋糕一直都係我既死穴....
我做親都唔係咁好....次次都唔多唔少都有問題出現....
今次就攪入麵粉時...結哂粒粒....搞到我一直攪左起碼10分鐘先可以攪到無哂粒....
體積少左一倍....由滿滿一大盆打起左既蛋....變得半碗...
我真係要反醒一下....嗚嗚....
不過焗完出來....都算係咁....實左d咁姐....呵呵~*

(閱讀全文)

(閱讀全文)

(閱讀全文)